"Anbar və ehtiyatların idarə edilməsi" mövzulu növbəti təlimimiz uğurla başa çatdı. Bundan əvvəl davamlı korporativ formatda keçirilən həmin təlim ilk dəfə açıq formatda təşkil olundu və iştirakçılar arasında həm özəl, həm də dövlət qurumlarının anbardarları və anbar təsərrüfatlarından cavabdeh şəxslər var idi.
Təlimçimiz Namiq Kazımov anbar logistikasında baza anlayış və funksiyalarla yanaşı iştirakçıları müasir yanaşmalar ilə, o cümlədən anbarlarda tətbiq olunan "lean-alətləri" ilə tanış etdi. Ehtiyatların idarə edilməsi modulunda təhlükəsiz ehtiyat səviyyəsi, sifariş nöqtəsi, optimal sifariş miqdarı və digər əlaqədar göstəricilərin hesablanması qaydası izah olundu. Fərqli sahələrdə çalışan təlim iştirakçılarının təcrübəsi ilə tanış olmaq da həmkarlarına çox maraqlı və faydalı oldu.
