Təlimlərimiz arasında "Vau çıxış: təqdimat bacarıqları" təlimi xüsusi yer tutur. Çünki çox praktikidir və qısa müddətdə effekt təmin etmək mümkün olur. Bizim üçün isə ən böyük motivasiya tədrisin nəticəsini görməkdir. Cəmi 2 yarım günlük təlimdən sonra iştirakçıların toplu qarşısında çıxış bacarıqlarını ciddi şəkildə inkişaf etdirmək mümkün olur və bu dəyişikliyi onların özləri də hiss edirlər.
Azərbaycan Respublikasının Medianın İnkişafı Agentliyinin əməkdaşları ilə növbəti dəfə qarşılaşmaq çox xoş və maraqlı idi. Təlim iştirakçılarının ev tapşırığı çərçivəsində hazırladıqları təqdimatlar bir-birindən maraqlı idi: Azərbaycanın tarixi və gələcəyi, şəxsi inkişaf və fəlsəfə, qlobal iqlim dəyişikliyi və dəyərlər sistemi... Təlimin bir hissəsinin ofisdə, digərini isə ofisdən kənar keçirilməsi bu qurum üçün artıq yaxşı ənənəyə çevrilib.
Bütün təlim iştirakçılarına, xüsusən Nuridə xanıma bir daha təşəkkür edirik və gələcək fəaliyyətlərində uğurlar arzu edirik!
